Снимање на звук и презентација од вашиот монитор
Сигурно сите вие до сега сте го искористеле PrntScr за да земете слика или дел од слика од екранот. Но снимање на звук и презентација која се реализира на вашиот компјутер? Ова беше нешто кое сите учесници на обуката со нетрпение го очекувавме. Снимање на секоја активност на екранот придружена со аудио.
Една од апликациите која овозможува снимање на десктопот е CamStudio. Овозможува снимање на целиот екран и аудио активност на компјутерот во AVI датотека. Само треба да се инсталира на компјутерот и снимањето е едноставно како и снимање на било кој видео запис.
Може да ја преземете апликацијата на следниот линк, а прозорецот е навистина user friendly и лесен за користење.
Следна опција е користење на стандардниот VLC Player за снимање на активност на десктоп придружена со аудио запис.
Единствено треба да се направи подесување во Media, Open Media и како Capture device да се избере Desktop. Може да се избере да се додаде веќе готов аудио запис или истиот да се снима преку микрофон.
Навистина интересно, особено ако сакате на учениците да им демонстрирате користење на некој апликативен софтвер, или некоја инсталација или некоја активност на компјутер. Или? Сигурна сум дека ќе најдете безброј примери каде може да искористите снимена презентација од екран.
No comments:
Post a Comment