„Подкастот е дигитален фајл, аудио или видео, или неколку фајлови кои се дистрибуираат преку Интернет за да се следат на преносни медиуми или персонални компјутери. Ова значи дека корисникот може да ги слуша или гледа програмите кои автоматски се симнуваат во време кога најмногу им одговара. Терминот Подкаст доаѓа од комбинација на Ај Под како преносен медиа плејер и емитување. Доколку се вклучат и видео записи станува збор за водкаст.“
Како изгледа користењето на Podcast за учење ни беше демонстрирано преку разгледување на сајтот на BBC кој изобилува со голем број на вакви содржини (особено за изучување на англискиот јазик), погледнете и самите: http://www.bbc.co.uk/podcasts
Најголем дел од нас беа заинтересирани како може да се креираат сопствени аудио записи, па како корисна алатка ни беше посочена Audacity. Ја симнавме и инсталиравме. Навистина интересно и лесно креирање на аудио записи, нивна конверзија, комбинирање и слично. Апликација која ни овозможува да креираме аудио записи кои потоа би им ги презентирале на нашите ученици, или тие самите може да креираат аудио записи, а може и да се преземат некои од Интернет и да се обработат. Самиот прозорец ви ги презентира можностите на програмата:
Преземете ја на http://audacity.sourceforge.net/download/ и истражувајте, едноставно за користење!
Совет: Преземете ја и апликацијата LAME, која ги конвертира снимените аудио записи во mp3, на следниот линк.
Доколку сакате алатка која ќе можете да ја користете online (бидејќи имате проблем за да инсталирате Audacity на Edubuntu) пробајте на следниот сајт: http://www.podomatic.com/login
PodOmatic e навистина интересeн за користење. Сајтот нуди голем број на примери за едукативен подкаст (истите се на англиски јазик но сепак е добро да се погледнат, нудат многу идеи), креирање на нови, комбинирање на повеќе аудио фајлови, додавање на слики заедно со аудио, прикачување на вашиот фајл креиран со Audacity и сл. Кога ќе започнете да го користете идеите ќе дојдат сами. Пробајте!
За креирање на водкаст искористете го VLC Мedia Player. Може да го симнете на следниот линк
Освен за гледање на филмови (за што сигурно најголем дел од вас ја користат) оваа апликација лесно може да се искористи за креирање на видео записи, во кои може да се додава и аудио. Може да снимите видео запис со помош на вашата камера или да преуредувате веќе креиран видео запис. Звукот може да го снимате со вашиот микрофон, но може и да искористите готов аудио фајл. Креираниот фајл лесно може да го конвертирате во mpeg4 формат користејќи ја aTube Catcher.
Сите креирани аудио и видео записи може потоа да ги искористите во вашата настава, а учениците може да креираат вакви записи со кои би ја документирале својата работа. Креираните записи лесно може да се прикачат на youtube, блог, вики или веб сајт.
No comments:
Post a Comment